Söngkonan Þórunn Antonía Magnúsdóttir hreifst af söngnum strax sem krakki og hefur verið syngjandi síðan. Hún flutti 18 ára gömul til London til þess að reyna fyrir sér sem söngkona og hefur á síðast- liðnum árum ferðast um heiminn allan, kynnst ótrúlegu fólki og sungið á heimsfrægum tónlistarhátíðum.

Eftir margra ára búsetu í London var tími til að koma heim. Hún hefur komið sér fyrir á Íslandi um tíma þar sem hún vinnur að annarri sólóplötu sinni og nýtur þess að vera með engin plön og skuldbindingar. Í helgarblaði DV talar Þórunn um einmanaleikann í London, ástina og skrýtna fræga karlmenn í Los Angeles.