Tengivagn flutningabíls sem innihélt fiskúrgang valt á hliðina við Miklaholt á Mýrum um níu leytið í kvöld. Að sögn lögreglunnar í Borgarnesi dreifðist úrgangurinn – aðallega fiskhausar – yfir allan veginn. Flutningabíllinn sjálfur valt þó ekki og slapp ökumaðurinn án meiðsla.

Að sögn lögreglu var þetta úrgangur úr 26 körum sem dreifðist um veginn. Björgunarsveitir og dráttarbílar eru nú á leiðinni á vettvang en að sögn lögreglu verður fiskurinn hreinsaður upp í kvöld eða nótt.