Breska lögreglan leitar nú manns eftir að líkamshlutar konu fundust í ruslatunnu fyrir utan íbúðarhús í Cobham í Surrey. Að sögn lögreglu leikur grunur á að lík konunnar hafi verið í tunnunni í þrjár vikur áður en það fannst.

Maður að nafni Peter Wallner flutti úr húsinu fyrir þremur vikum og er hans nú leitað. Líkamshlutarnir eru taldir vera af konu á þrítugsaldri en kennsl hafa að öðru leyti ekki verið borin á líkið.