Hinum fimmtuga George Day frá Birmingham brá heldur betur í brún á dögunum þegar hann fékk senda sektarmiða heim til sín vegna nokkurra umferðarlagabrota. George er blindur og hefur aldrei á ævinni ekið bíl.

George reyndi að útskýra málið fyrir lögreglu sem daufheyrðust við óskum hans um að fá sektina fellda niður. Hann þurfti því að mæta í dómsal vegna málsins þar sem honum tókst að sýna fram á sakleysi sitt. Síðar kom í ljós að George var fórnarlamb auðkennisþjófnaðar.