Antonio Tajani, yfirmaður samgöngumála hjá Evrópusambandinu, vill að gerður verði alþjóðlegur válisti yfir flugfélög sem ekki teljast örugg. Leiða má líkur til þess að ástæðan sé flugslysið í gær, en þá fórst Airbus 310 flugvél frá Yemenia-flugfélaginu með 153 innanborðs.

Evrópusambandið hefur svartan lista yfir ótrygg flugfélög og vill Tajani að hinn alþjóðlegi listi byggi á svipaðri hugmynd. Yemenia-flugfélagið er ekki á lista Evrópusambandsins sem er uppfærður reglulega.