Enn einn rússneskur blaðamaður hefur látið líf sitt undir dularfullum kringumstæðum. Yaroslav Yaroshenko, ritstjóri Korruptsiya i Prestupnost, Spilling og glæpir, lést vegna höfuðáverka sem hann hlaut í líkamsárás fyrir tveimur mánuðum.

Eftir mánaðardvöl á sjúkrahúsi og nokkrar aðgerðir braggaðist Yaroshenko og var útskrifaður. En skyndilega hrakaði honum og var í fyrradag lagður á gjörgæsludeild en lést skömmu síðar. Dagblað Yaroshenko hafði gagnrýnt yfirvöld, lögreglu og saksóknaraembætti Rostov, heimaborgar Yaroshenkos.