Í nýrri úttekt er sýnt fram á hvernig útgerðir safna kvóta ódýrra fiskitegunda á einstök skip til þess eins að auka svigrúm til leigja út dýrar tegundir frá skipinu, svo sem þorsk og ýsu. Þetta leiðir til vannýtingar á fjölda fiskitegunda og milljarðataps fyrir þjóðarbúið. Höfundar skýrslunnar furða sig á sinnuleysi Fiskistofu sem viti augljóslega af litlum fiskiskipum með hundruð tonna úthafsfækjukvóta sem þau hafi enga getu til þess að veiða. Slíkt sé brot á lögum um stjórn fiskveiða.

Það voru laganemarnir Finnbogi Vikar og Þórður Már Jónsson, sem nýverið unnu skýrslu um málið meðfram námi við Háskólann á Bifröst. Þórður, sem er viðskiptalögfræðingur, segir að útvegsmenn, sem kynnt hafi sér efni skýrslunnar, hafi helst lagt að sér að efni hennar yrðu stungið ofan í skúffu. „Útgerðarmaður af landsbyggðinni furðaði sig á því hvers vegna við ætluðum að birta efni skýrslunnar í stað þess að nýta þekkingu okkar til þess að hagnast sjálfir á leigubraski.“

Nánar í DV í dag.