Eins og flestum er kunnugt féll Duncan McKnight, söngvari bandarísku rokksveitarinnar The Virgin Tongues, niður þrjár hæðir á Skólavörðustígnum í byrjun maí síðastliðins og hefur hann verið í endurhæfingu á Grensási síðan að hann útskrifaðist af gjörgæsludeild tveimur vikum eftir slysið.

Á laugardaginn sást Duncan labba niður Skólavörðustíginn ásamt vinkonu sinni. Hann studdist við göngugrind og af útlitinu að dæma hefur hann náð miklulm bata á stuttum tíma. Duncan stoppaði fyrir framan húsið þar sem hann féll til jarðar og kíkti inn um stund en kom þó fljótlega út aftur. Hann settist síðan á bekk fyrir utan húsið, kveikti sér í sígarettu og naut sólarinnar.