Almenningur er mjög tvístígandi um hvort hann telur ríkisstjórnina eiga að halda til streitu þeirri stefnu sinni að fyrna fiskveiðiheimildir. 41 prósent segjast sammála því að halda fyrningarleiðinni til streitu en 31 eru ósammála því. Rúmlega fjórðungur landsmanna, eða 28 prósent, hafa ekki tekið afstöðu til þess.

Þetta eru niðurstöður skoðanakönnunar MMR fyrir DV.

Atli Gíslason segist hafa orðið var við misskilning í umræðunni hvað varðar fyrningarleiðina. Hvorki honum né Eggerti B. Guðmundssyni kemur á óvart að skiptar skoðanir séu um þessa stefnu stjórnvalda. Eggert telur skorta á frekari samræðu andstæðra póla í málinu. Nefnd á vegum sjávarútvegsráðherra skoðar þjóðhagsleg áhrif fyrningarleiðarinnar.