Tíu ökumenn voru teknir fyrir ölvunarakstur í umdæmi lögreglunnar á höfuðborgarsvæðinu um helgina þar af einn sem aldrei hafði öðlast ökuréttindi.

Þrír voru stöðvaðir á laugardag og sjö á sunnudag. Fimm voru teknir í Reykjavík, tveir á Seltjarnarnesi og einn í Kópavogi, Hafnarfirði og Mosfellsbæ. Þetta voru níu karlar á aldrinum 18-35 ára og ein kona, 18 ára. Einn þessara ökumanna hafði aldrei öðlast ökuréttindi.

Þá stöðvaði lögreglan för fjögurra ökumanna í umdæminu um helgina en hinir sömu voru allir undir áhrifum fíkniefna. Þetta voru allt karlar en þeir voru teknir víðsvegar í borginni. Mennirnir eru á þrítugs-, fertugs- og sextugsaldri en tveir þeirra höfðu þegar verið sviptur ökuleyfi. Þess má geta að einn fjórmenninganna ók á bíl sem var búinn nagladekkjum og verður því sektaður fyrir það að auki.