Farþegi á pallbíl vankaðist og fékk skurð á höfði þegar hann féll af palli bílsins og lenti á götunni með höfuðið á undan. Óhappið átti sér stað í Vestmannaeyjum og fluttu þeir sem með honum voru hann á Heilbrigðisstofnunina í Vestmannaeyjum. „Var þarna um að ræða fíflalæti sem enduðu með slysi,“ segir í dagbók lögreglunnar og er sögð mildi að ekki skyldi hafa farið ver.

Annars var tiltölulega rólegt var hjá lögreglunni í Vestmannaeyjum í síðustu viku og skemmtanahald fór vel fram.

Þá var tilkynnt um þjófnað og skemmdir á dýru og flottu reiðhjóli fyrir utan Íþróttamiðstöðina. Ökumaður létts bifhjóls var tekinn þegar hann var ekki með hjálm við akstur og grunaður um að vera réttindalaus. Einn ökumaður var stöðvaður vegna gruns um ölvun við akstur. Fjórir ökumenn voru kærðir fyrir að leggja bifreiðum sínum ólöglega í bænum og tveir ökumenn voru kærðir fyrir að aka of hratt um götur bæjarins.