Rómversk-kaþólska kirkjan á Spáni hefur endurnýjað baráttu sína gegn áformum ríkisstjórnar landsins um að rýmka fóstureyðingalöggjöf þess.

Samkvæmt tillögum um umbætur yrði fóstureyðing heimil upp að 14. viku frá getnaði og einnig yrði hægt að heimila fóstureyðingu við 22. viku staðfesti læknir að heilsa móður væri í hættu ef meðgöngu yrði framhaldið eða ef taldar væru líkur á að fóstur yrði vanskapað.

Fóstureyðingalög landsins eru frá 1985 og samkvæmt þeim er fóstureyðing heimil allt að 12. viku og þá eingöngu ef um getnað vegna nauðgunar er að ræða.