Flutningabíl, sem var að flytja rúm 18 tonn af bjór, valt í Vermont í Bandaríkjunum með þeim afleiðingum að þjóðvegur lokaðist í margar klukkustundir.

Trukkurinn lenti utan vegar á mánudaginn á Route 78 í Swanton. Hann valt á hliðina og endaði í mýri friðlendis. Trukkurinn tók með sér fjölmarga rafmagnsstaura í leiðinni.

Afferma þurfti flutningabílinn áður en hægt var að ná honum úr mýrinni. Ökumanninn sakaði ekki og óljóst er afhverju hann endaði utan vegar.

AP-fréttastofan tiltekur sérstaklega að enginn bjór sullaðist í mýrina.