Karlmaður frá Puerto Rico hefur verið handtekinn, grunaður um að stela 88 nærbuxum af þvottasnúru nágrannakonu sinnar. Samkvæmt lögreglunni í bænum Orocovis stóð þjófnaðurinn yfir í nokkra mánuði.

Konan keypti sífellt fleiri nærbuxur þar sem hún skildi hvorki upp né niður í því af hverju nærbuxurnar hurfu. Eftir að maðurinn var handtekinn skilaði hann nærbuxunum aftur til nágrannakonu sinnar, sem er 29 ára gömul.