1.539 kandídatar brautskrást frá Háskóla Íslands í dag. Er þetta stærsta brautskráning frá Háskóla Íslands frá upphafi. Skýringuna á fjölda kandídata er að finna í þeim mikla vexti sem verið hefur í Háskóla Íslands.

Háskólinn stækkaði um fjórðung við sameiningu Háskóla Íslands og Kennaraháskóla Íslands 1. júlí í fyrra og svo um 10 prósent við inntöku nýnema um síðustu áramót.

Brautskráning kandídata sem eru að ljúka framhaldsnámi að loknu grunnnámi, þ.e. diplóma- og viðbótarnámi á framhaldsstigi, meistaranámi og kandídatsnámi frá Háskóla Íslands fer fram í Laugardalshöll, kl. 11.00.

Vorbrautskráning kandídata sem eru að ljúka grunnnámi, þ.e. BA, BS eða BEd námi frá Háskóla Íslands fer einnig fram í Laugardalshöll í dag og hefst kl. 14.00.

Athöfnin hefst með afhendingu prófskírteina, að því loknu ávarpar rektor kandídata og lýkur athöfninni með söng Háskólakórsins undir stjórn Gunnsteins Ólafssonar.