Ólafur Þór Gunnarsson, bæjarfulltrúi Vinstri grænna í Kópavogi, segist skilja þá stöðu sem stjórn Lífeyrissjóðs starfsmanna Kópavogsbæjar var í þegar hún lánaði Kópavogsbæ hátt á 300 milljónir í vetur.

Eins og greint hefur frá hefur Fjármálaeftirlitið vikið stjórn Lífeyrissjóðs starfsmanna Kópavogsbæjar frá vegna gruns um brot á lögum um lífeyrissjóði. Þá var stjórnin kærð til efnahagsbrotadeildar ríkislögreglustjóra. :æittu hlutfall lánveitinga af eignum sjóðsins vera of hátt en það fór allt upp í tuttugu prósent.

Ólafur sagði í hádegisfréttum RÚV að það væri aldrei ásættanlegt ef menn brjóti reglur. Hann skilji hinsvegar þá stöðu sem stjórnarmenn voru í; þeim hafi borið að ávaxta eigur sjóðfélaga og ekki talið sig finna neina viðunandi fjárfestingakosti á þeim tíma.