Eitt af því fyrsta sem menn spara við sig í efnahagskreppu eins og nú ríður yfir heimsbyggðina eru dýrir bílar. Þýski bílaframleiðandinn Porsche hefur mátt finna fyrir þessu því sala á nýjum hefur minnkað mikið.

Porsche seldi 28 prósent færri bíla á tímabilinu frá ágúst 2008 til loka apríl 2009, miðað við sama tímabil árið áður. Í þessum tölum eru ekki seldir bílar frá Volkswagen en Porsche jók eignarhlut sinn í fyrirtækinu í 51 prósent í janúar á þessu ári.