Lögreglan á höfuðborgarsvæðinu fékk í morgun tilkynningu um skemmdarverk á Fríkirkjuvegi 11, húsinu sem Björgólfur Thor Björgólfsson keypti af Reykjavíkurborg og var eitt sinn í eigu Thors Jensen, forföður Björgólfs. Rauðri málningu hafði verið skvett á húsið.

Að sögn varðstjóra var tilkynnt um málið á tíunda tímanum í morgun. Líklega hefur málningunni verið slett á húsið í nótt en hún var þornuð þegar lögregla kom á vettvang. Enginn hefur verið handtekinn vegna málsins.

Þetta er ekki í fyrsta skipti í þessum mánuði sem Fríkirkjuvegur 11 kemst í fréttirnar. Mánudagskvöldið áttunda júní braut hópur aðgerðarsinna sér leið inn í húsið