Skip sem sökk með rúm níu tonn af gulli og silfri undan ströndum Argentínu í janúar á þessu ár er fundið. Verðmæti farmsins sem sökk með skipinu nemur mörgum milljörðum króna en það hefur þótt mikil ráðgáta hvernig skipið gat sokkið.

Skipverjar yfirgáfu skipið þegar það lenti í slæmu veðri og var þeim bjargað um borð í þyrlu. Til stóð að flytja skipið í togi með togara frá Chile en þá sökk skipið. Ekki liggur fyrir hvort hinn verðmæti farmur skipsins sé enn um borð og vilja margir meina að um svik hafi verið að ræða og farminum hafi verið stolið.