Bandaríski fréttavefurinn Huffington Post hefur nokkuð látið sig málefni Íslands varða síðustu mánuði, eftir bankahrunið. Ísland var enn til umfjöllunar á vefnum á þriðjudag þegar Íris Erlingsdóttir, blaðamaður vefsins, skrifaði grein um hrunið.

Í greininni er komið inn á myndina frægu sem tekin var af hjónunum Björgólfi Thor Björgólfssyni og Kristínu Ólafsdóttur í lystisnekkju í Cannes fyrir nokkru. Heitið sem blaðamaður, eða sá sem setti myndina inn við greinina, gaf myndinni er athyglisvert: 2009-06-16- hillbilliesoficeland
bjorgolfurthorandkristin2.jpg, sem þýða mætti sem sveitalubbar Íslands Björgólfur Thor og Kristín.