Össur Skarphéðinsson utanríkis og iðnaðarráðherra vill sameina ráðuneyti ráðuneyti iðnaðar, sjávarútvegs og landbúnaðar í einu ráðuneyti sem væri atvinnuráðuneyti. Þetta kom fram í máli hans í þættinum Kosningagrillið á útvarpi Sögu. Jafnframt vill hann færa eftirlit og vöktun auðlinda frá áðurnefndum ráðuneytum yfir til umhverfisráðuneytisins. Þetta er á meðal víðtækra sparnaðarhugmynda ráðherrans sem einnig vill renna saman dómsmálaráðuneytinu og samgönguráðuneytinu.
Össur nefndi einnig samruna ríkisfyrirtækja í hagræðingarskyni. Þannig rynnu Landhelgisgæslan og Varnarmálastofnun saman. Einnig vill hann sameina Tryggingastofnun og Vinnumálastofnun. Þá verði Siglingastofnun og Vegagerðin að einni stofnun. Össur sagði að þetta væri aðeins dæmi um það sem hann vill gera í sparnaðarskyni.