Ökukennari frá Salem í Bandaríkjunum hefur verið fundinn sekur um að hafa verið ölvaður við störf. Atvikið átti sér stað árið 2007. Hinn 53 ára Daniel Winsky var dæmdur í 18 mánaða skilorðsbundið fangelsi, sviptur ökuréttindum í ár og gert að sækja ökunámskeið. Þá verður hann að greiða ríflega 250 þúsund krónur í sekt.

Samkvæmt frétt dagblaðsins The Salem News er talið að þetta sé í fyrsta skipti sem farþegi í bifreið er sakfelldur fyrir ölvunarakstur. Winsky var með tvo nemendur í kennslubifreið sinni þegar hún var stöðvuð að lögreglu.

Það var starfsmaður matvöruverslunar sem sigaði lögreglunni á hann eftir að hann kom inn í búðina angandi af alkahóli og þvoglumæltur. Áhyggjur starfsmannsins hafi síðan aukist þegar hann horfði á eftir honum setjast inn í kennslubifreiðina.