Sævar Ciesielski var gestur þeirra Frosta og Mána í úvarpsþættinum Harmageddon á X-inu á fimmtudag. Í viðtalinu kom margt áhugavert fram en athygli vakti frásögn Sævars af sjúkrahúsvist sinni í Kaupmannahöfn.

Sævar sagði að þar hefði læknir ráðlagt honum að hætta alls ekki að drekka áfengi. Slíkt gæti verið stórhættulegt heilsu hans. Ennfremur sagði Sævar að þessi sami læknir hefði gefið honum einn bjór og tvö skot með hverri máltíð á sjúkrahúsinu, honum til mikillar ánægju og yndisauka.