Hvert atkvæði, þeirra 228 þúsund einstaklinga sem eru á kjörskrá fyrir komandi alþingiskosningar, gæti kostað íslenska ríkið tæpar 900 krónur. Reiknað er með að kostnaður ríkisins vegna komandi kosninga nemi allt að 200 milljónum króna.

Að því er fram kemur í sunnudagsútgáfu Morgunblaðsins verða 251.000 kjörseðlar prentaðir og reiknast mönnum þar á bæ til að kostnaðurinn nemi að minnsta kosti 200 milljónum króna þegar allur kostnaður er talinn til.

Stærsti kostnaðarliðurinn við kosningar eru vegna launa starfsmanna sem nema hundruðum.