Pólskur karlmaður um þrítugt var handtekinn í Leifsstöð í gærkvöldi með um eitt kíló af amfetamíni sem var falið í þykkbotna skóm. Þetta kom fram í kvöldfréttum Stöðvar 2 í kvöld. Maðurinn var að koma til landsins frá Kaupmannahöfn.

Samkvæmt frétt Stöðvar 2 liggur ekki fyrir hvort efnin hafi fundist við reglubundið eftirlit eða hvort vísbendingar hafi borist erlendis frá. Maðurinn var úrskurðaður í tveggja vikna gæsluvarðhald í Héraðsdómi Reykjaness í dag.