Ekki hefur verið tekin ákvörðun hvort einhver verði ákærður í tengslum við hústökumálið á Vatnsstíg. Jón H.B. Snorrason, saksóknari hjá lögreglunni á höfuðborgarsvæðinu, sagði í samtali við DV að eigandi hússins hafi lagt fram kæru vegna málsins. Málið sé í rannsókn en ekki liggi fyrir hvort einhver verði ákærður.

Fimmtán karlar og sjö konur voru handteknar í aðgerðum lögreglu á Vatnsstíg 4 á miðvikudag. Húsið hafði staðið autt um langt skeið en eigendur hússins hugðust reisa þar verslunarhúsnæði. Hústökufólkið hafði hinsvegar þau áform að stunda listir í húsinu.