Heildarlaun bankastjórnar og bankaráðs Seðlabanka Íslands námu 80 milljónum króna í fyrra samkvæmt nýbirtri ársskýrslu bankans.
Laun Davíðs Oddssonar formanns bankastjórnarinnar í fyrra námu 25,3 milljónum króna eða sem nemur 2,1 milljón króna á mánuði. Laun seðlabankastjóranna Eiríks Guðnasonar og Ingimundar Friðrikssonar námu tæpum 20 milljónum eða sem nemur tæpri 1,7 milljónum króna á mánuði.

Þóknun Halldórs Blöndal, formanns bankaráðs Seðlabankans, nam 3,4 milljónum króna í fyrra en tólf aðrir bankaráðsmenn og varamenn skiptu með sér 11,5 milljónum króna.
Ársfundur Seðlabanka Íslands er haldinn í dag, en þar er gerð grein fyrir framvindu efnahagsmála í fyrra sem og peningastefnu bankans. Jafnframt því er ársreikningur bankans lagður fram.

Formaður bankaráðs, formaður bankastjórnar Seðlabankans og forsætisráðherra ávarpa ársfundinn.