Yfir þúsund manns hafa nú skráð sig í hóp á Facebook þar sem skorað er á stjórnvöld að setja af stað „alvöru rannsókn á hruninu nú þegar með hjálp Evu Joly og hennar tengslaneti.“ Þá er fólk einnig hvatt til að skrifa stjórnvöldum. Eva Joly var gestur Egils Helgasonar í gær en þar sagði hún að meintir efnahagsglæpir íslenskra auðjöfra kæmu aldrei fram nema yfirvöld beittu fullri hörku í rannsókninni. Eva sagði að gera þyrfti húsleitir hjá hinum grunuðu, því ekki væri nóg að bjóða þeim í viðtal og spyrja þá spurninga.

„Á Facebook eru meðlimir hópsins beðnir um að senda öllum þingmönnum eftirfarandi áskorun:

Að lokum krefst ég þess að núverandi stjórnvöld lýsi nú þegar yfir eindregnum vilja til að hrinda slíkri rannsókn af stað og geri bókstaflega allt sem í sínu valdi stendur til að tryggja að þetta verði að veruleika.“