Mikill þrýstingur er innan Samfylkingarinnar á Jóhönnu Sigurðardóttur forsætisráðherra að bjóða sig fram til formanns flokksins eftir að Ingibjörg Sólrún tilkynnti í gær að hún ætli að hætta við þátttöku í stjórnmálum.

Í hádegisfréttum RÚV kom fram að það væri samdóma álit fjölmargra þingmanna úr forystusveit flokksins að skynsamlegast væri að Jóhanna verði næsti formaður flokksins. Að minnsta kosti fram á næsta kjörtímabil og að mjög sé þrýst á hana að taka verkefnið að sér.

Landsfundur Samfylkingarinnar fer fram eftir þrjár vikur en þar verður nýr forysta kjörin. Ágúst Ólafur Ágústsson, varaformaður Samfylkingarinnar, ætlar ekki að sækjast eftir endurkjöri. Þá hafa þeir Dagur B. Eggertsson og Árni Páll Árnason ekki enn lýst yfir framboði til formanns en þeir hafa þó báðir gefið kost á sér sem varaformenn. Bæði Össur Skarphéðinsson og Jóhanna Sigurðardóttir hafa neitað að ætla að taka verkefnið að sér en þau hafa gefið kost á sér í annað sæti á lista flokksins í Reykjavík.

Líkur eru þó leiddar að því að annaðhvort Jóhanna Sigurðardóttir eða Össur Skarphéðinsson bjóði sig fram til forystu í flokknum.