Alþjóðlega kaffihúsakeðjan Costa Coffee hefur tryggt tungu kaffismakkara síns fyrir tæplega fjórtán milljónir bandaríkjadala.

Kaffismakkarinn, Gennaro Pelliccia, bragðar persónulega á hverjum skammti kaffibauna, í verksmiðju keðjunnar í Lundúnum, áður en baunirnar eru ristaðar og sendar í útibúin.

„Átján ára reynsla mín gerir mér kleift að gera greinarmun á þúsundum bragðtegunda,“ segir Pelliccia, en Costa Coffee selur um eitthundrað milljónir kaffibolla á hverju ári um allan heim og stefnir að því að tvöfalda fjölda sölustaða sinna.

Tungan dýrmæta var tryggð hjá Lloyds-tryggingafélaginu í Lundúnum.