Ástralskir vísindamenn hafa komist að því að eldri menn eignast verr gefin börn en yngri karlmenn. Eftir að hafa greint rannsóknargögn yfir 33.000 bandarískra barna, átta mánaða, fjögurra ára og sjö ára, komust vísindamennirnir að því að börnin sem áttu gamla feður komu verst út úr greindarvísitöluprófum.

Í prófunum reyndi á einbeitingu, minni, rökvísi og lestrargetu.

Leiða vísindamennirnir að því líkur að erfðagallar þeirra frumna sem framleiða sæði versni með aldrinum. Þá skýringu má einnig heimfæra upp á þá staðreynd að börnum eldri karlmanna er hættara við geðklofa og einhverfu, segir í tímaritinu New Scientist.