Lögreglan á Vestfjörðum fékk klukkan 19.15 í gærkvöld tilkynningu um bílveltu á Ennishálsi á Ströndum. Þar valt flutningabíll á hliðina og lokaði veginum. Veður og aðstæður voru mjög slæmar á vettvangi.

Björgunarsveit kom til aðstoðar og þurfti að fá kranabíla úr Reykjavík til að koma bílnum á hjólin aftur. Því verki var ekki lokið fyrr en klukkan sex í morgun. Vegurinn var lokaður að mestu en jeppar gátu komist framhjá vettvangi. Umferð var þó ekki mikil vegna færðar og veðurs.