Leitin að Aldísi Westergren hefur enn engan árangur borið en hundrað manns hafa verið við leit í dag og í kvöld. Að sögn Ólafar Snæhólm, upplýsingafulltrúa Landsbjargar, verður leitað fram í myrkur og ákvörðun um framhald leitar tekin að henni lokinni.

Að sögn Ólafar hefur verið leitað í fjögurra kílómetra radíus frá heimili Aldísar í Grafarholtinu. Leitarskilyrði hafa verið nokkuð erfið en töluverður snjór er á svæðinu sem gerir yfirferð erfiðari að sögn Ólafar.

Engin ummerki eða upplýsingar um ferðir Aldísar hafa fundist í dag.