Sigurvegari í pönnukökuátkeppni í Rússlandi datt niður dauður stuttu eftir að hann hafði tekið við verðlaunagripnum. Maðurinn át 43 pönnukökur fylltar með rjóma og banönum sem var greinilega nokkrum pönnukökum of mikið.

Maðurinn, hinn 48 ára Boris Isayev, var afar vinsæll á meðan keppninni stóð enda átglaður með eindæmum en rétt eftir sigurinn féll hann á hné og dó á sviðinu sem keppnin var haldin eins og kemur fram á rússnensku fréttasíðunni pravda.ru.

„Hann naut þess að borða pönnukökurnar en svo byrjaði hann allt í einu að froðufella og síðan datt hann,“ segir vitni í samtali við fréttasíðuna.

Aðstandendur og gestir sýningarinnar reyndu að endurlífga manninn en án árangurs. Læknar geta ekki sagt um dánarorsök á þessu stigi en telja líklegast að pönnukökubiti hafi fests í hálsi hans og maðurinn kafnað.