Kínverjinn Xiao Nan, sem keppti í hlaupakeppnum á fjölmörgum mótum, er í raun karl – þvert á það sem flestir höfðu haldið. Xiao vann til verðlauna á meira en 40 mótum en hann hefur þurft að skila þeim flestum til baka eftir að upp komst um ráðabruggið.

„Ég varð aldrei hamingjusamur eftir að hafa unnið þessi verðlaun. Ég fékk sektarkennd þegar ég stóð á verðlaunapallinum og mér fannst alltaf að hinni sanni sigurvegari hafi staðið við hliðina á mér á pallinum,“ segir Xiao, fullur iðrunar.

Xiao þótti afburðaíþróttakona á sínum yngri árum og fékk hún að stunda nám sitt frítt vegna þess. Eftir að hafa verið sendur í próf eftir eitt mótið kom þó eitthvað einkennilegt í ljós. Xiao var nefnilega með karlkyns litninga en prófið markaði upphafið að endalokum hlaupaferils Xiao.

Eftir að upp komst um kyn Xiao hóf hann undirbúning að aðgerð á leiðréttingu á kyni sem tekur níu mánuði.