Netkosning Menningarverðlauna DV 2008 lýkur á hádegi í dag. Þar geta lesendur kosið einn þeirra 40 listamanna og viðburða sem tilnenfdir eru í flokkunum átta. Lesendur geta greitt atkvæði sitt hér

Þær þrjár tilnefningar sem leiða netkosninguna á endasprettinum eru hljómsveitin Hjaltalín sem er tilnenfd í flokki tónlistar, Sinfóníuhljómsveit Íslands sem einnig er tilnefnd í flokki tónlistar og kvikmyndahátíðin Skjaldborg sem er tilnefnd í flokki kvikmynda.

Menningarverðlaun DV verða afhent í þrítugasta skipti í Iðnó í dag klukkan 17. Auk verðlauna í ofan nefndum flokkum veitir Ólafur Ragnar Grímsson, forseti Íslands, sérstök heiðursverðlaun sem eru veitt í sjöunda sinn.