Lögreglumaður sem kominn er á eftirlaun segir að hann hafi verið rændur trúlega af „heimskasta glæpamanni Pensylvaníuríkis, þó víðar væri leitað“. Maðurinn sem heitir John Comparetto var staddur á ráðstefnu þar sem yfir 300 fíkniefnalögreglumenn voru saman komnir.

Comparetto ákvað að bregða sér afsíðis til að fara á snyrtinguna. Þegar hann ætlaði að snúa aftur í ráðstefnusalinn mætti honum vopnaður maður sem krafðist þess að fá afhent veski. Comparetto hlýddi manninum og lét hann hafa veskið en í því voru nokkrir seðlar.

Ræninginn forðaði sér í burtu en það tók Comparetto og nokkra félaga hans úr lögreglunni sem voru í selingarfjarlægð aðeins nokkrar mínútur að hlaupa manninn uppi. Ræninginn, sem er 19 ára gamall, var handsamaður en hann á yfir höfði sér ákæru fyrir ránið.