Tvö mótorhjólaslys urðu á höfuðborgarsvæðinu með skömmu millibili um níu leytið í kvöld. Annarsvegar varð slys á Víkurvegi við Egilshöll og hinsvegar við Kaplahraun í Hafnarfirði. Samkvæmt upplýsingum frá sérfræðingi á slysa- og bráðadeild Landspítalans var annar mannanna útskrifaður en hinn er enn á slysadeild og er ástand hans sagt „þokkalegt.“

Þá varð mótorhjólaslys á Bústaðavegi í dag en ekki liggja fyrir upplýsingar um meiðsl ökumannsins. Að sögn varðstjóra hjá lögreglunni virðist vorið vera komið. Hann bendir þó að götur geti verið varasamar þar sem þær eru enn rykugar og sandugar eftir veturinn. Því borgi sig að fara varlega.

Þá var ekið á barn í Árbæ í dag en að sögn varðstjóra leikur grunur á að barnið hafi beinbrotnað.