Formenn innan Starfsgreinasambandsins skora á HB Granda að láta launahækkanir upp á 13.500 krónur koma strax til framkvæmda.
Þetta var samþykkt á fundi formannanna í dag. Í ályktun fundarins segir meðal annars að sú ávörðun stjórnar HB Granda, að leggja til að greiða hluthöfum 8 prósenta arð sé forkastanleg og óásættanleg með öllu í því ástandi sem nú ríki.

Formannafundurinn hvetur þau fyrirtæki sem standa vel, að láta launataxtahækkanirnar koma til framkvæmda strax. „Launafólk á Íslandi hefur ekki vikist undan því að bera ábyrgð í samfélaginu. Á sama hátt krefst formannafundurinn þess að atvinnulífið í landinu, með samtök sín í farabroddi, axli einnig samfélagslega ábyrgð.“