Nú er komin fram í dagsljósið mynd sem á að sýna Vladimír Pútín, forsætisráðherra Rússlands, frá tímum hans sem njósnari fyrir KGB, leyniþjónustu Rússlands.

Á myndinni, sem tekin er árið 1989, er Ronald Reagan og Mikhail Gorbachev en Pútín virðist vera í gervi forvitins ferðamanns með myndavél um hálsinn. Það var Pete Souza, sem nú er opinber ljósmyndari Barack Obama, forseta Bandaríkjanna, sem tók myndina.

Í viðtali við Sky News, segist Souza, muna vel eftir þessum degi og þá sérstaklega hvað ferðamaðurinn forvitni hafi spurt Reagan hnitmiðaðra spurninga. Meðal annars spurðist hann fyrir um stöðu mannréttindamála í Bandaríkjunum. Souza segist síðan hafa fengið staðfestingu á því að ferðamaðurinn forvitni hafi verið enginn annar en Vladímír Pútín.

Smelltu hér til að sjá myndina og nánari umfjöllum Sky News um málið.