Hinum rúmenska Nelu Luca var heldur brugðið þegar hann skar niður salami rúllu sem hann hafði keypt sér. Í ljós kom að dauð mús var í miðri rúllunni.

„Ég trúði þessu ekki. Ég fer alltaf varlega þegar ég kaupi í matinn og salamíið leit fullkomlega út að utan. En í miðjunni var dauð mús,“ segir Luca sem var búinn að borða hluta af rúllunni. Framleiðandi vörunnar, Tabco Campofrio Romania, þarf að borga sekt eftir að málið rataði inn á borð heilbrigðisyfirvalda.

Ovidiu Wenchz, framkvæmdastjóri fyrirtækisins, segir að flest bendi til þess að einhver hafi komið músinni fyrir í rúllunni.