Kona ein í Malasíu varð fyrir þeirri óskemmtilegu reynslu að vera skotin með skammbyssu af nágranna sínum. Einhverra hluta vegna hafði konan ákveðið að týna ávexti úr tré nágranna síns. Nágranninn sá hreyfingu í trénu, náði í byssuna og skaut á tréð.

Það var þó ekki fyrr en hann heyrði öskrin í konunni að hann áttaði sig á því að um manneskju var að ræða en ekki apa eins og hann hélt. Konan var flutt á sjúkrahús vegna áverka sinna. Hún mun vera í stöðugu ástandi en þó ekki lífshættulega slösuð.

Lögreglan rannsakar nú manninn og byssuna en grunur leikur á að hann hafi ekki haft leyfi fyrir henni. Hann gæti átt tveggja ára fangelsi yfir höfði sér fyrir vikið.