Huggy Ragnarsson, íslensku fyrirsætunni, ljósmyndaranum, stílistanum og dómaranum í Britain's Next Top Model virðist ýmislegt til lista lagt. Á glæsilegri heimasíðu hennar má meðal annars finna nokkur lög sem Huggy bæði samdi og framleiddi í samvinnu við James Earp.

James er ungur og upprennandi upptökustjóri og samkvæmt heimasíðu kappans hefur hann átt þó nokkur lög sem ratað hafa inn á topp fimm sæti breskra vinsældarlista og er sífellt í leit að ungum og upprennandi listamönnum til að vinna með. Huggy hefur undanfarið verið á Íslandi við tökur á Britain's Next Top Model en bresku fyrirsæturnar voru meðal annars myndaðar í Bláa lóninu þar sem þær áttu ekki orð yfir fegurðinni.