Byggingafélag Námsmanna hefur ákveðið að bregðast við verðlagsþróun á leigumarkaðnum, með því að veita 10 prósenta afslátt af leiguverði á íbúðum félagsins á höfuðborgarsvæðinu.

Leiguíbúðir Byggingafélags Námsmanna eru bundnar byggingavísitölu og hafa hækkað í hverjum mánuði að undanförnu. Fjöldi leigjenda hefur að undanförnu sagt upp leigusamningum sínum vegna hækkandi verðs og standa íbúðir auðar í fyrsta skipti í áraraðir. Fyrir aðeins hálfu ári síðan var margra mánaða biðlisti eftir íbúðum hjá BN.

Í frétt á vef BN, segir að stjórn félagsins vonast er til þess að þessi leigulækkun verði til þess að námsmenn sjái sér fært að leigja íbúðir af BN á þessu svæði. Núverandi ástand á leigumarkaði er væntanlega tímabundið. Mikilvægt er fyrir BN að nýting á íbúðum félagsins sé sem best þannig að hægt sé að veita sem bestu leigukjör hverju sinni.