Uppstokkunar er að vænta í flestum fastanefndum Alþingis með nýrri ríkisstjórn VG og Samfylkingar. Sjálfstæðismenn fara með formennsku í sex af tólf nefndum, en ekki er sjálfgefið að stjórnarflokkarnir skipti þeim öllum út. Þá má einnig gera ráð fyrir að Framsóknarflokknum verði gert hærra undir höfði með formennsku og varaformennsku í nefndunum en áður, en flokkurinn ver minnihlutastjórnina falli næstu mánuði.

Sex þingmenn Sjálfstæðisflokksins fara með formennsku í mismunandi hefndum; Bjarni Benediktsson í utanríkismálaefnd, Arnbjörg Sveinsdóttir í sjávarútvegs- og landbúnaðarnefnd, Sigurður Kári Kristjánsson í menntamálanefnd, Ásta Möller í heilbrigðisnefnd, Pétur Blöndal í efnahags- og skattanefnd og Birgir Ármannsson er formaður allsherjarnefndar.