Maður hlaut annars stigs brunasár í vikunni eftir að hafa verið á göngu á nýja hverasvæðinu í Grændal norðan við Hveragerði. Maðurinn brenndist á fæti er jarðvegur gaf sig undan færi hans svo hann sökk til hnés í sjóðheitan hver sem leyndist undir torfunni.

Er talið manninum til happs að hann var í stígvélum en hann var einn á ferð. 45 mínútna ganga var til byggða og náði maðurinn að kæla brunasárið af og til með snjó. Hann var fluttur á heilsugæslustöðina á Selfossi til frekari aðhlynninga.

Segir í tilkynningu frá lögreglunni á Selfossi að af þessu megi sjá að eftir stóra jarðskjálftann í maí 2008 sé svæðið á þessum slóðum varhugavert og full ástæða sé til að fara um það með gát.