„Við hljótum nú að leita leiða til að dreifa sanngjarnar byrðunum,“ segir Steingrímur J. Sigfússon fjármálaráðherra. Hann ætlar að hefja vinnu við breytingar á skattkerfinu. Hann segir eðlilegt að þeir sem hæst hafa launin beri meiri byrðar en þeir sem lægst hafa launin.

Steingrímur var í viðtali í fréttum Útvarpsins. Hann sagði að breytingar á skattkerfinu komi ekki til framkvæmda fyrr en á næsta ári, þar sem þegar hafi verið gengið frá fjárlögum þessa árs.