Vopnað rán var framið í apóteki Lyfju í Ármúla á fjórða tímanum í dag. Kona vopnuð hnífi og sprautunál sem innihélt rauðan vökva ógnaði starfsfólki apóteksins og komst hún undan með eitthvað af lyfjum. Skömmu síðar handtók lögregla konu sem grunur leikur á að tengist ráninu.

Að sögn varðstjóra hjá lögreglunni náðist konan á eftirlitsmyndavélar og tókst lögreglu þannig að bera kennsl á hana.