Það verður Jóhanna Guðrún Jónsdóttir sem verður fulltrúar Íslands í Eurovision söngvakeppninni í Rússlandi í vor. Lag hennar Is it True eftir Óskar Pál Sveinsson bar sigur úr býtum í undankeppninni en úrslitin voru tilkynnt í Sjónvarpinu í kvöld. Í öðru sæti varð Ingó með lagið Undir regnboganum eftir Hallgrím Óskarsson.

Í helgarblaði DV er ítarlegt viðtal við Jóhönnu. Um lagið hans Óskars Páls segir Jóhanna Guðrún: „Ég heyrði þetta lag hjá Óskari og fannst það flott. Síðan fór ég og söng þetta og það fékk bara svona góð viðbrögð. Ég var ekkert að pæla í því að vinna en núna er þetta bara orðið mjög spennandi,“sagði Jóhanna en nú er komið í ljós að hún verður fulltrúi Íslands í Moskvu í vor.