Fangar í Des Moines fangelsinu í Iowa í Bandaríkjunum gætu þurft að fara að borga fyrir klósettpappírinn sem þeir nota í fangelsinu. Ástæðan er sú að Burlington, héraðið sem fangelsið er í, þarf að skera niður vegna mikils tapreksturs undanfarin misseri.

Fyrirhugað er að skera niður í útgjöldum héraðsins um 1,7 milljónir dollara, eða rúmlega 190 milljónir króna. Meðal þeirra tillagna sem lagðar hafa verið fram er að láta fanga borga fyrir klósettpappírinn sem þeira nota en þannig má spara nokkur hundruð þúsund krónur á mánuði.